Қозоғистонлик боксчи Мейирим Нурсултанов WBC рейтингининг ТОП-10 талигига кирди

NUR-SULTAN. Kazinform – Бутунжаҳон бокс кенгаши (WBC) барча вазн тоифалари бўйича рейтингнинг янгиланган версиясини тақдим этди, деб хабар беради Kazinform Sports.kz сайтига таяниб.

WBC International чемпиони Жан Кособуцкий 15-ўриндан 12-ўринга кўтарилди. Биринчи оғир вазнда Қамшибек Қонқабаев 36-ўринга тушди. Иккинчи ўрта тоифада Айдос Ербосинули ва Али Аҳмедов мос равишда 19 ва 20-ўринларни сақлаб қолди.

Ўтган ой аргентиналик Себастьян Орасио Папескини нокаут билан мағлуб этган Мейирим Нурсултанов ўрта вазн тоифасида саккизинчи ўринга кўтарилди. Биринчи ўрта дивизионда Садриддин Аҳмедов 28-ўринда қолди.

Ярим ўрта вазнда Данияр Елеусинов 21-ўринни эгаллади. WBC Youth йўналиши чемпиони Талғат Шайкен икки поғона юқорилаб, 32-ўринга кўтарилди. Батир Жукембаев биринчи ярим ўрта вазн тоифасидаги рейтинг жадвалида 25-ўринда қолди.