11:15, 10 Сентябрь 2023 | GMT +5
Қозоғистонлик боксчи Мадина Нурашева Silesian Open турнирида олтин медални қўлга киритди
GLIVICА. Кazinform – Қозоғистонлик боксчи Мадина Нурашева Польшада бўлиб ўтган Silesian Open -2023 турнирида ғолиб чиқди, дея хабар беради Кazinform Sports.kzга таяниб.
70 килограммгача бўлган вазн тоифасидаги М.Нурашева финал учрашувида польшалик Патрисия Гживиньска билан куч синашди. Жанг қозоғистонлик боксчининг ғалабаси билан муддатидан аввал якунланди: у биринчи раундда рақибини нокдаунга учратди, иккинчи раундда эса ҳакам Патрисия Гживиньсканинг ҳолатини инобатга олиб, жангни тўхтатишга мажбур бўлди.
Шу тариқа Мадина Нурашева Silesian Open -2023 турнирининг олтин медалини қўлга киритди. Эслатиб ўтамиз, ҳаваскор боксда у 2017 йилда Осиё чемпиони бўлган.
