Қозоғистонлик боксчи АҚШдаги жангидан сўнг дисквалификация қилинди

ASTANA. Kazinform - Калифорния штати атлетика комиссияси қозоғистонлик боксчи Али Аҳмедовни (23-1, 17 КО) америкалик Малколм Жонсга (17-5-1, 10 КО) қарши жангидан сўнг дисквалификация қилди, деб хабар беради Кazinform агентлиги Sports.kzга таяниб.

Аҳмедов 31 январгача рингга ва спаррингга чиқа олмайди. Дисквалификация тиббий хусусиятга эга ва боксчининг жангдан кейин тезроқ тикланишига ёрдам беради. Аҳмедовнинг рақибига келсак, Жонс 3 мартга қадар дисквалификация қилинди.

Али Аҳмедов ва Малколм Жонс 18 январь куни Коммерсда (АҚШ, Калифорния) учрашишди. Жанг Аҳмедовнинг эрта ғалабаси билан якунланди - иккинчи раундда нокаут.

Эслатиб ўтамиз, аввалроқ Қозоғистонда бокс бўйича Жаҳон кубоги босқичи бўлиб ўтиши ҳақида хабар берган эдик.