Қозоғистонга Starlink тизимининг биринчи партияси етказилди
ASTANA. Kazinform - “Starlink ускунасининг биринчи партияси Қозоғистонга етиб келди. 500 дона!”, деб ёзди Telegram каналида ҚР Рақамли ривожланиш, инновациялар ва аэрокосмик саноат вазири Бағдат Мусин.
“Алматига ускуналарни қабул қилиш жараёнини текшириш учун келдим. Келаси ҳафтада Туркистон ва Ақмола вилоятларида Starlink тизимини ўрнатишга тўлиқ тайёр бўлган мактабларга жиҳозлар етказиб бериш бошланади. Мазкур вилоятлар ҳокимликлари томонидан яхши тайёргарлик ишлари олиб борилди. 10 кундан кейин бошқа вилоятларга етказиб берилади. 20 кун ичида жами 2000 та комплект етиб келади, улар мамлакатимиздаги 2000 та олис қишлоқ мактабларини юқори тезликдаги интернет билан таъминлайди”, — деб ёзади вазир.
Шунингдек, мазкур янгилик Давлат раҳбарининг қарори туфайли ҳаётга татбиқ этилаётганини маълум қилди.
Бунгача Қозоғистондаги 2000 та мактаб Илон Маскнинг Starlink интернет тармоғига уланиши ҳақида хабар берган эдик.
