Қозоғистонга Хитой, Туркия ва Ҳиндистондан кўплаб меҳнат муҳожирлари келади

1 ноябрь ҳолатига кўра, маҳаллий ижро ҳокимияти органлари рухсати билан Қозоғистонда 13 029 нафар чет эл фуқароси меҳнат қилади, деб хабар беради Kazinform ҚР Меҳнат ва аҳолини ижтимоий ҳимоя қилиш вазирлигига таяниб.

Хорижий ишчи кучини жалб қилиш учун рухсатномаларнинг қуйидаги тоифалари мавжуд: раҳбарлар ва уларнинг ўринбосарлари учун 345 та рухсатнома (биринчи тоифа), таркибий бўлинма раҳбарлари учун 2 588 та рухсатнома (иккинчи тоифа).

Асосий қисми учинчи (мутахассислар) ва тўртинчи (малакали ишчилар) тоифаларига тегишли - мос равишда 5 767 ва 608 киши.

Шунингдек, мавсумий ишларга 2078 нафар, корпоратив трансферга 1643 нафар муҳожир ишга жалб этилган.

Айни пайтда Қозоғистонда хорижий ишчи кучидан фойдаланаётган 1612 иш берувчи мавжуд. У ерда 468 минг 100 дан ортиқ Қозоғистон фуқароси меҳнат қилади, бу умумий ходимлар сонининг 97,2 фоизини ташкил этади.

Иқтисодий фаолият турларига кўра, энг кўп меҳнат қилаётганлар қурилиш соҳасида – 3 312 киши (25,4%), қишлоқ, ўрмон ва балиқ хўжалигида – 1 580 киши (12,1%), тоғ-кон ва карьерларни қазишда – 1 216 киши (9,3%), ишлаб чиқариш саноати – 1 194 киши (9,1%), касбий, илмий ва техник хизматлар - 757 киши (5,8%).

Меҳнат мигрантларининг асосий келиб чиқиш мамлакатлари: Хитой – 3884 киши (29,8%), Ўзбекистон – 1 777 киши (13,6%), Туркия – 1 254 киши (9,6%), Ҳиндистон – 1 232 киши (9,4%).

Ички меҳнат бозорини ҳимоя қилиш мақсадида Қозоғистон Республикаси Меҳнат ва аҳолини ижтимоий ҳимоя қилиш вазирлиги ҳар йили республикага чет эллик мутахассисларни жалб этиш учун квота белгилайди.

2023 йилда квотанинг ҳажми ишчи кучининг 0,24 фоизини ёки 22 260 бирликни ташкил этди.