Қозоғистонга 1 триллион тенгедан ортиқ активлар қайтарилди

ASTANА. Кazinform - Қозоғистонга 1 триллион тенгедан ортиқ активлар қайтарилди, дея хабар беради Қозоғистон Республикаси Коррупцияга қарши кураш агентлиги.

Йил бошидан буён Коррупцияга қарши кураш хизмати тугалланган жиноят ишлари доирасида тахминан 195 миллиард тенге ундирди.

Сўнгги 2,5 йилда олигополияларни ҳисобга олган ҳолда Қозоғистон халқига 1,09 триллион тенге қайтарилди.

Бундан ташқари, халқаро ҳамкорлик натижасида Қозоғистонга Австрия, Франция, Лихтенштейн, Амирликлар, Туркия, Россия ва бошқа мамлакатлардан пул, қимматли қоғозлар, кўчмас мулк ва заргарлик буюмлари қайтарилди.

Масалан, Австриядан 36,8 миллиард тенге, Лихтенштейндан 116,7 миллиард тенге, Туркиядан 2,2 миллиард тенге, Бирлашган Араб Амирликлари ва бошқа давлатлардан 6,3 миллиард тенге қайтарилган.

Бундан ташқари, Саноат ва инфратузилмани ривожлантириш вазирининг собиқ ўринбосари Т. Тоқтабаев мансаб ваколатларини суиистеъмол қилгани учун судланган. Тўқтабоевга нисбатан қўзғатилган жиноят ишига кўра, қиймати 5,6 триллион тенгедан ортиқ бўлган никель ва кобальтнинг катта захираларига эга Қостанай вилоятидаги ноёб “Шевченковское” кони давлат ҳисобига ўтказилган.

Ноқонуний орттирилган мулкларни қайтариш бўйича ишлар давом этмоқда.