Қозоғистондаги зилзила Қирғизистонда ҳам сезилди

ASTANA. Kazinform – Қозоғистонда содир бўлган ер силкинишини Қирғизистоннинг чегарадош ҳудудлари аҳолиси ҳис қилди, деб хабар беради Kazinform мухбири.

ҚР Фавқулодда вазиятлар вазирлигининг Қирғиз Республикаси Миллий фанлар академияси Сейсмология институтига таяниб хабар беришича, 28 март куни соат 04:42 да Қозоғистон ҳудудида МСК-64 шкаласи бўйича 5,5 магнитудали зилзила қайд этилган.

Зилзила ўчоғи Кўпуро-Бозор қишлоғидан 20 километр шимолда, Бишкекдан 133 километр жануби-ғарбда жойлашган.

“Зилзила Талас вилояти, Талас тумани, Кўпуро-Бозор қишлоғида 5 баллгача, Қора-Балта ва Бишкек шаҳарларида эса 4 балл атрофида сезилди”, – дейилади хабарда.

ҚР Фавқулодда вазиятлар вазирлиги томонидан текширув ва тушунтириш ишлари олиб борилмоқда. Батафсил маълумот кейинроқ тақдим этилади.

Эслатиб ўтамиз, Қозоғистон ва Қирғизистон чегарасида 5 магнитудали зилзила содир бўлди. Ер силкинишлари 28 мартда Астана вақти билан 03:42 да қайд этилди.
Шунингдек, Жамбил вилоятида фавқулодда вазиятлар бўйича штаб ишламоқда.