Қозоғистондаги энг йирик темир йўл лойиҳаси 2025 йилда якунланиши режалаштирилган
Қозоғистон Транспорт вазирлиги мамлакатдаги энг йирик инфратузилма қурилиши лойиҳаси – “Достиқ-Мойинти” темир йўл участкаси қурилиши қандай давом этаётганини маълум қилди, деб хабар беради Kazinform.
Достиқ-Мойинти темир йўл участкаси қурилиши 2022 йил ноябрь ойида Қарағанди вилоятида бошланган. Очилиш маросимида таъкидланганидек, узунлиги 836 километр бўлган янги темир йўл линияси мамлакат маҳсулотларини узлуксиз экспорт қилиш ва мамлакат транзит салоҳиятини юксалтиришга хизмат қилади.
“Достиқ-Мойинти” темир йўл участкасида иккинчи йўл қурилиши белгиланган режа асосида амалга оширилмоқда. Участкада 450 дан ортиқ махсус техника ва 1 мингга яқин ишчи ишлайди. Умумий узунлиги 836 километр бўлган иккинчи линияни ётқизиш учун 6,4 миллион куб метр йўл тўшалади. Шунингдек, мутахассислар томонидан 15 та кўприк қурилди, 177 та қувур ўрнатилди ва 406 км темир йўл ётқизилди”, – деб хабар қилди Қозоғистон транспорт вазирлиги.
Темир йўлнинг ишга туширилиши участканинг ўтказиш қобилиятини 5 баробар оширади. Бу маҳсулотларнинг узлуксиз экспортини таъминлаш имконини беради ва мамлакатнинг транзит салоҳиятини ривожлантиришга сезиларли таъсир кўрсатади.
“Достиқ-Мойинти” участкасидаги ишларни 2025 йилда якунлаш режалаштирилган”, – дея таъкидлади вазирлик.
