Қозоғистондаги энг узун кўприк синовдан ўтди

ASTANA. Kazinform – Шарқий Қозоғистон вилоятидаги Буқтирма сув омбори орқали ўтадиган узунлиги 1316 метр бўлган икки полосали кўприк махсус синовлардан ўтди. Бу ҳақда ҚР Транспорт вазирлиги матбуот хизмати хабар берди.

Бу Қозоғистондаги энг узун кўприк.

“Кўприк қурилишини текшириш учун умумий юки 450 тонна бўлган 15 та юк машинаси тортилди. Махсус қурилмаларда кўприкда деформация, тебраниш (вибрация) ва юк тақсимоти кўрсаткичлари қайд этилади”, – дейилади хабарда.

Синов натижалари Буқтирма сув омбори устидаги янги кўприк барча норматив хавфсизлик талабларига жавоб беришини ва катта юкларга бардош беришини тасдиқлади.

Икки йўлакли кўприк Шарқий Қозоғистон вилоятининг Жарма, Катонқарағай, Куршим, Кўкпекти, Зайсан ва Алтай туманлари ўртасида йил давомида узлуксиз ҳаракатланиш учун зарур.

ҚР Ҳукумати раҳбари Олжас Бектенов июль ойида Шарқий Қозоғистон вилоятига амалий ташрифи чоғида йўл соҳасини ривожлантириш режалари билан танишиб, Буқтирма сув омбори устидаги Куршум кўприги қурилиши жадаллигини текширди.

Шарқий Қозоғистон вилоятида қурилаётган кўприк пуллик бўлиши мумкинлиги айтилди.

Буқтирмадаги кўприк қурилишига хориждан ишчи кучи жалб этилмаган.