Қозоғистонда жорий йилда олтита сув омбори қайта тикланади
«Натижада Алмати, Ақтўбе, Шарқий Қозоғистон, Жамбил, Қарағанда, Қизилўрда ва Туркистон вилоятларидаги 120 мингдан ортиқ аҳоли истиқомат қилувчи 16 та қишлоқ аҳоли пунктларида сув тошқини хавфи бартараф этилди. Жорий йилда яна 6 та сув омборини тиклаш ишлари олиб борилмоқда. Қолган 19 таси 2025 йил охиригача тикланади», - деди Досбол Бекмағамбетов.
Қўмита маълумотларига кўра, 2025 йилгача қўшимча сув ҳажмини таъминлаш мақсадида тўплаш ҳажми 1,7 куб километр, умумий қиймати 59,4 млрд тенге бўлган 9 та янги сув омборини, жумладан, Ақмола — 1 та, Алмати — 1 та, Жамбил — 3 та, Ғарбий Қозоғистон — 2 та, Қизилўрда – 1 та, Туркистон – 1 та қуриш режалаштирилган.
2021 йилда қурилиш-монтаж ишлари ниҳоясига етказилиб, Кенсай-Қосқорған-2 сув омбори фойдаланишга топширилди.
Лойиҳаларнинг амалга оширилиши 70 та аҳоли пункти ва 137 минг аҳолининг сув тошқинлари хавфини камайтиради, шунингдек, қўшни давлатлар – Қирғизистон, Ўзбекистон ва Россия сувига боғлиқликни камайтиради.
Муаллиф: Серик Сабеков
