Қозоғистонда йўл соҳасидаги асосий лойиҳалар жорий йилда якунланади

ASTANA. Кazinform - Йўл соҳасидаги асосий лойиҳалар жорий йилда якунланади. Бу ҳақда ҚР Транспорт вазирлиги хабар беради.

Йўл
Фото: Видеодан кадр

“Жорий йилда 3,1 минг километр йўл модернизация қилинади. Улар орасида “Қарағанди – Алмати”, “Атирау – Астрахан”, “Ақтўбе – Қандиағаш”, “Талдиқорған – Ўскемен” каби ўтиш лойиҳалари бор. 2023 йилда барча саъй-ҳаракатлар транспорт ҳаракатини йўлнинг янги қатлами билан таъминлашга қаратилди. Жорий йилда асосий лойиҳалар бўйича ишларни якунлаш режалаштирилган. Аммо шуни таъкидлаш жоизки, айрим лойиҳаларнинг қурилиш муддати узайтирилишига турли омиллар, жумладан, автомобил йўллари қурилиши материаллари нархининг ошиши сабаб бўлган”, — дейилади вазирликнинг агентлик сўровига берган жавобида.

Вазирлик маълумотларига кўра, айни пайтда 946 километрлик “Қарағанди-Балқаш-Алмати” йўлининг «Қарағанди-Балқаш» (363 км), “Балқаш-Бурилбайтал” (288 км), “Бурилбайтал-Курти” (228 км) участкаларида модернизация ишлари олиб борилмоқда. Йўлнинг 868 км қисми пастки қоплама билан таъминланган. Жорий йилда ишларни якунлаш режалаштирилган.

“Атирау-Астрахан” йўлининг 60 километри эса фойдаланишга топширилди. Қолган 217 км Европа тикланиш ва тараққиёт банки томонидан молиялаштирилади. 2023 йилда 192 км йўлга янги асфальт-бетон ётқизилди. Ушбу лойиҳа жорий йилда якунланиши режалаштирилган. Ҳозирда Ақтўбе вилоятида инерт материаллар ишлаб чиқариш давом этмоқда. Инерт материаллар темир йўл орқали етказилади.

Ақтўбе-Қандиағаш йўлининг 96 километри модернизация қилинади. 64 кмда бир томонлама ҳаракат очилган.

Талдиқорған-Ўскемен йўлининг модернизация қилинган қисми 768 километрни ташкил этади. Бугунги кунда 748 км масофада транспорт ҳаракати очиқ. Қурилишни тўлиқ якунлаш 2024 йил охирига режалаштирилган.

Сўнгги хабарлар