Қозоғистонда ёғингарчилик ва 20 даражагача совуқ бўлиши кутилмоқда
Яқин кунларда фаол Атлантика циклони ва у билан боғлиқ бўлган атмосферанинг фронтал қисмлари таъсирида Қозоғистоннинг аксарият ҳудудларида ёғингарчилик (ёмғир, қор) бўлиши кутилмоқда. 3 декабрь - шимоли-ғарбда ва шимолда, 3-4 декабрь - шарқда, 4 декабрь - республиканинг жануби-шарқидаги тоғли ҳудудларда - кучли ёғингарчилик кузатилади. Бу ҳақда Kazinform агентлиги Қазгидрометга таяниб хабар беради.

Республиканинг шимолий ярмида кучли ёғингарчилик билан бирга ер музлаши ва қор бўрони кузатилиши мумкин.
Республика бўйлаб туман тушиши кутилмоқда, шамол тезлиги 15-29 м/с гача, 3 декабрь куни Қозоғистон Республикасининг шимоли-ғарбида ва шимолида вақти-вақти билан 30 м/с ва ундан кўпроқ кучайиши мумкин.
4 декабрдан Шимолий-Ғарбий антициклон оқими билан боғлиқ совуқ ҳаво массаларининг кириб келиши кутилмоқда, бу эса Қозоғистоннинг аксарият ҳудудларида ҳароратнинг кескин пасайишига олиб келади. Кечаси шимоли-ғарбий ва шимолий ҳудудларда ҳаво ҳарорати 7-21 даражагача, республика маркази ва шарқида 5-15 даражагача пасайиши кутилмоқда. Жанубий вилоятларда 0-5 даражагача пасайиш кузатилади.