Қозоғистонда йил бошидан буён коррупцияга алоқадор 660 нафар мансабдор шахс фош этилди

ASTANА. Кazinform — Давлат раҳбари Коррупцияга қарши кураш агентлиги раиси Асхат Жумағалини қабул қилди. Агентлик раҳбари коррупцияга қарши кўрилаётган чора-тадбирлар ҳақида маълумот берди.

Йил бошидан буён мамлакатда коррупцияга оид 947 жиноят қайд этилиб, 660 нафар шахс фош этилди. Улардан 104 нафари турли даражадаги раҳбарлардир.

Тергов ишлари якунланган жиноят ишлари доирасида 193,5 миллиард тенге ундирилган.

Умуман олганда, 2022 йилдан буён давлат ва квазидавлат сектори субъектларига 1,03 триллион тенге миқдоридаги мулкий активлар ва маблағлар қайтарилди.

Жорий йилда таълим, фан, спорт, дори-дармон харид қилиш, қурилиш, ер тақсимоти соҳалари бўйича таҳлил ва мониторинг натижалари асосида 113 та ҳисобот тайёрланди.

Давлат органларига коррупция хавфини бартараф этишга қаратилган мингдан ортиқ таклифлар киритилди.

Профилактик чора-тадбирлар доирасида, жумладан, “Ягона харид дарчаси” портали мониторинги натижасида 31 миллиард тенгедан ортиқ маблағнинг самарасиз сарфланишининг олди олинди.

“Бизнесга йўл” лойиҳасини амалга ошириш жараёнида 7 минг 500 га яқин тадбиркорнинг ҳуқуқлари ҳимоя қилиниб, 67 та муаммоли иш ҳал этилди.

Йўл соҳасида коррупцияга барҳам бериш бўйича топшириқнинг бажарилиши ҳақида маълумот берди.

Ижтимоий аҳамиятга молик соҳаларда, жумладан, йўл қурилишида “Пулни бўяш” пилот лойиҳасини амалга ошириш режалаштирилган.

Йил бошидан буён Қатар, Гонконг, Озарбайжон ва Россия Федерациясининг коррупцияга қарши кураш идоралари билан ҳамкорлик бўйича 4 та меморандум имзоланди.

Мазкур ҳужжатлар юридик ёрдам кўрсатиш, мол-мулкни қайтариш, шахсларни қидириш, бюджет маблағларининг мақсадли сарфланиши ва харидлар жараёнини назорат қилиш масалалари бўйича ҳамкорликни мустаҳкамлашга қаратилган.

Учрашув якунида Қасим-Жомарт Тоқаев бир қатор аниқ топшириқлар берди.