Қозоғистонда янги ўқув йилидан бошлаб талабалар қанча стипендия олади

ASTANА. Кazinform – ҚР Бош вазири Алихан Смаилов «Давлат стипендияларини тайинлаш ва тўлаш қоидалари ҳамда уларнинг миқдорларини тасдиқлаш тўғрисида»ги Ҳукумат қарорини имзолади. Шунга кўра, талабаларнинг стипендиялари ҳам ортади, деб хабар беради Кazinform мухбири.

Қарорга мувофиқ, талабаларга ҳар ойлик давлат стипендияси қуйидаги миқдорда тасдиқланди:

- олий таълимнинг таълим дастурларини амалга оширувчи таълим ташкилотларида таҳсил олаётган талабалар учун 41 898 тенге, кадрлар тайёрлашнинг педагогик ва «Соғлиқни сақлаш» йўналишларида таҳсил олаётган талабалар бундан мустасно;

- педагогик йўналишда таҳсил олаётган талабаларга - 67 200 тенге;

- «Соғлиқни сақлаш» йўналишида таҳсил олаётган талабаларга - 67 200 тенге;

стажёрларга - 75 890 тенге;

магистратура талабаларига - 97 024 тенге.

- «Назарбоев университети» мустақил таълим ташкилотида таҳсил олаётган магистрантларга - 181 250 тенге;

докторантларга - 217 500 тенге.

- «Соғлиқни сақлаш» таълим йўналиши бўйича докторантларга - 217 500 тенге;

- «Соғлиқни сақлаш» йўналиши бўйича резидент шифокорлар ва магистрантларга - 111 579 тенге.

- Қозоғистон Республикаси Олий суди ҳузуридаги Адлия академиясининг давлат органлари томонидан охирги иш жойидаги лавозим маоши даражасида, лекин битирувчи учун белгиланган давлат стипендияси миқдоридан кам бўлмаган ҳолда ўқишга юборилган магистратура талабалари.

- техник ва касб-ҳунар таълими таълим дастурларини амалга оширувчи таълим ташкилотларида ишчи малакасини ошириш бўйича таҳсил олаётган талабаларга - 32 681 тенге.

- техник ва касбий (ўрта авлод мутахассисларини тайёрлаш), ўрта таълимдан кейинги таълим дастурларини амалга оширувчи таълим ташкилотларида таҳсил олаётган талабалар учун давлат стипендияси - 31 422 тенге.

Бош вазир томонидан имзоланган Ҳукумат қарори 2023 йил 1 сентябрдан бошлаб амалга оширилади.

Муаллиф: Алихан Асқар