Қозоғистонда яқин уч кун ичида ёмғир ёғиб, момақалдироқ бўлиши кутилмоқда

ASTANA. Kazinform - Синоптикларнинг маълумотларига кўра, Қозоғистонда 13-15 август кунлари об-ҳаво Шимолий Атлантика циклони таъсирида шаклланади, деб хабар беради Kazinform агентлиги.

Қозоғистоннинг аксарият ҳудудларида ҳаво беқарор бўлиб, ёмғир, момақалдироқ, шиддатли шамол ва дўл ёғиши мумкин, дея тахмин қилмоқда синоптиклар. 

“13 августда шимоли-ғарбда, шимолда, 14-16 август кунлари республиканинг ғарбида, шимоли-ғарбида, шимолида кучли ёмғир ёғиши кутилмоқда. Қозоғистон бўйлаб кучли шамол эсиши кутилмоқда. Мамлакат жануби ва шарқида кундузи +35+38° даража иссиқ бўлиши кутилмоқда, қолган ҳудудларда термометрлар +18+26° дан +22+33°C гача ўзгариб туради”, - дея хабар беради Қазгидромет.