17:49, 04 Март 2024 | GMT +5
Қозоғистонда яқин уч кун ичида ҳаво исиши кутилмоқда
ASTANA. Kazinform - 5-6 март кунлари Қозоғистон ҳудудининг катта қисми юқори атмосфера босими майдони таъсирида бўлади, шу сабабли ҳаво ёмғирсиз бўлиши кутилмоқда, фақат шимоли-ғарбий ва шимолий ҳудудларда қор ёғиши мумкин. Бу ҳақда Kazinform агентлиги “Қазгидромет” РДКга таяниб хабар беради.

7 март куни атмосферанинг фронтал қисмлари таъсирида ёмғир ва қор шаклида ёғингарчилик, музлик, шамол кучайиши кутилмоқда, мамлакатнинг шарқий ҳудудлари бундан мустасно. Қозоғистон бўйлаб туман тушиши мумкин.
“Ҳарорат фонига келсак, бироз кўтарилиши кутилмоқда ва 7 март куни термометрлар Қозоғистоннинг шимолий ярмида 0-5 даража совуқ, жанубий ярмида эса 5-15 даража илиқ бўлади”, — дейилади “Қазгидромет” хабарида.