Қозоғистонда ватандошларни қабул қилиш бўйича ҳудудий квотага ўзгартириш киритилди

ASTANА. Кazinform — Қозоғистон Республикаси Меҳнат ва аҳолини ижтимоий ҳимоя қилиш вазири 2024 йил учун ватандошлар ва кўчиб ўтувчиларни қабул қилиш бўйича ҳудудий квотага ўзгартириш киритди.

Хусусан, 2024 йил учун ватандошларни қабул қилиш бўйича ҳудудий квоталар сони 3033 нафар этиб белгиланди. Кўчиб ўтувчиларни(мамлакат ичида) қабул қилиш учун бу йилги ҳудудий квоталар сони эса 6450 нафар этиб белгиланди.

Июль ойи бошида ватандошларни қабул қилиш бўйича ҳудудий квоталар 600 нафарга кўтарилиши маълум қилинган эди.

Эслатиб ўтамиз, 2024 йил учун аҳоли пунктларида ватандошларни қабул қилиш квотаси 2433 нафарни ташкил қилган эди.

Жорий йилнинг 1 июль ҳолатига кўра, 8758 этник қозоқ ўз тарихий ватанига қайтиб, ватандош мақомига эга бўлди.