Қозоғистонда Ватан ҳимоячилари куни нишонланмоқда
ASTANA. Kazinform - Бугун, 7 май, Қозоғистонда Ватан ҳимоячилари куни нишонланмоқда. Бундан 32 йил аввал айнан шу куни миллий Қуролли Кучларни ташкил этиш тўғрисидаги фармон имзоланган эди, деб хабар беради Kazinform мухбири.
1992 йил 7 майда Қозоғистон Республикаси Президенти, Қозоғистон Республикаси Қуролли Кучлари Олий Бош Қўмондони Нурсултон Назарбоев миллий Қуролли Кучларни ташкил этиш тўғрисидаги фармонни имзолади. 2012 йил 4 октябрда Қозоғистон Республикаси Парламенти “Қозоғистон Республикасида байрамлар тўғрисида”ги Қозоғистон Республикаси Қонунига ўзгартиш киритиш тўғрисида”ги низомни кўриб чиқди ва қабул қилди. Унга кўра, 7 май - Ватан ҳимоячилари куни деб эълон қилинди ва мамлакатда дам олиш куни ҳисобланади. Бу йил байрам шарафига қозоғистонликлар уч кун кетма-кет – 7 майдан 9 майгача дам олади.
Шу куни Ватан ҳимояси ва юрт тинчлигини таъминловчи ҳарбий хизматчиларни табриклаш одат тусига кирган. Таъкидлаш жоизки, Қозоғистон Қуролли Кучлари сафларида аёл ҳам хизмат қилмоқда, уларнинг кўпчилиги офицерлик унвонига эга. Шу боис, Ватан ҳимоячилари куни ҳарбий хизматчи аёллар учун ҳам байрамдир.
Қозоғистон армияси уч хил хизмат туридан иборат. Ҳарбийнинг асосий тармоқларига қуйидагилар киради: қуруқликдаги кучлар, ҳаво ҳужумидан мудофаа кучлари ва денгиз кучлари. Махсус тайёрланган авиация қўшинлари бевосита Олий Бош Қўмондонга – Қозоғистон Республикаси Президентига бўйсунади. Уларнинг мақсади махсус - махфийлик шароитида ва қийин вазиятларда операцияларни ўтказишдир.
Куни кеча Давлат раҳбари бир қатор қозоғистонликларга олий ҳарбий ва махсус унвонлар топширди.
Қозоғистон Республикаси Президенти ҳузуридаги Президент марказида “Ўқотар қуроллар: тўппонча тарихи” номли фонд кўргазмасининг очилиши бўлиб ўтди. Кўргазма экспонатлари ҳарбий хавфсизлик соҳасидаги тарихий мерос, шунингдек, Қозоғистон Республикасининг замонавий Қуролли Кучларини яратиш призмаси орқали қозоқ давлатчилигининг шаклланишини акс эттиради.
Пойтахтда 50 дан ортиқ турли тадбирлар ўтказилиши режалаштирилган.
