Қозоғистонда узлуксиз инклюзив таълим миллий маркази ташкил этилади
ҚР Таълим вазири Ғани Бейсембаев амалий ташриф билан Алмати шаҳрида бўлди. Бу ерда махсус ва инклюзив таълим масалаларига бағишланган илмий жамоатчилик ва нодавлат нотижорат ташкилотлари вакиллари билан учрашув бўлиб ўтди, деб хабар беради Kazinform ҚР Фан ва олий таълим вазирлиги матбуот хизматига таяниб.
Учрашувда 2024 йилга мўлжалланган иш режаси ҳақида ҚР Таълим-маориф вазирлигининг махсус ва инклюзив таълим департаменти директори Лаура Бутабаева маълумот берди.
Айни пайтда алоҳида таълимга муҳтож болаларга эрта ёрдам кўрсатиш мақсадида психологик-педагогик коррекция хоналари сонини кўпайтириш ишлари олиб борилмоқда. Бугунги кунда Қозоғистонда 215 та психологик-педагогик коррекция хоналари фаолият кўрсатаётган бўлса, 2024 йилда қўшимча 9 та коррекция хоналари очилиши режалаштирилган. Шунингдек, мактабларда 700 дан ортиқ инклюзивликни қўллаб-қувватлаш хоналари фаолият кўрсатмоқда, 2024 йилда эса уларнинг сони яна 57 тага кўпайтирилади. Бундан ташқари, жорий йилда 14 та психологик-тиббий-педагогик маслаҳат хизматларини очиш режалаштирилган.
Тадбирда сўзга чиққан ҚР Таълим-маориф вазири Ғани Бейсембаев инклюзив таълим тизимини ривожлантириш давлат сиёсатининг устувор йўналишларидан бири эканлигини таъкидлади. Мазкур йўналишни ривожлантириш муҳимлигини англаган ҳолда 2023 йил декабрь ойида вазирлик тузилмасида махсус ва инклюзив таълим бошқармаси очилди.
Давра суҳбатида илмий жамоатчилик вакиллари: педагогика фанлари доктори, профессор Роза Сулейменова, доцент, педагогика ва психология институти директори, педагогика фанлари номзоди Ғалия Абаева, шунингдек, нодавлат нотижорат ташкилотлари раҳбарлари сўзга чиқдилар. Улар орасида “Дара” жамғармасининг “Қозоғистонда инклюзив жамият яратиш” лойиҳаси координатори Сауле Дуйсембекова, Болат Отемуратов жамғармаси директори Марат Айтмағамбетов бор.
Тадбир сўнгида Қозоғистон Республикаси та’лим вазири Ғани Бейсембаев департамент директорига мамлакатимизда инклюзив та’лимни ривожлантириш бўйича стратегик режа ишлаб чиқиш бўйича топшириқ берди.
