Қозоғистонда уй-жой, йўллар, бинолар қурилиши кўпайди

Жорий йилнинг 11 ойида мамлакатда бунёдкорлик ишлари ҳажми 5918,9 млрд тенгени ташкил этди. Бу ўтган йилнинг шу даврига нисбатан 12,6 фоизга кўпдир. Бу ҳақда Kazinform Миллий статистика бюросига таяниб хабар беради.

Уй-жойларни (24,9 фоизга) ва нотурар жойларни (6,8 фоизга) қуриш ва таъмирлаш ҳажмининг ўсиши кузатилди.

Республикада бажарилган қурилиш ишларининг умумий ҳажмида:

хусусий ташкилотлар - 87,3%

хорижий ташкилотлар - 12,5%

давлат ташкилотлари - 0,2%

Бажарилган ишлар (хизматлар) турлари бўйича энг катта ҳисса:

- нотураржой бинолари (умумий ҳажмдан 19,5%);

- автомобиль йўллари (14,8%);

- турар-жой бинолари қурилишига тегишли (14,2%).

Жорий йилнинг январь-ноябрь ойларида фойдаланишга топширилган янги объектларнинг умумий майдони 17 296,8 минг квадрат метрни ташкил этди.

Фойдаланишга топширилган турар-жой биноларининг умумий майдони 15,6 фоизга ошиб, 15 067,2 минг квадрат метрни ташкил этди. Улар орасида:

9107,9 минг квадрат метр кўп хонадонли уйлар;

5862 минг квадрат метр хусусий уй-жойлар.

​