Қозоғистонда ўсмирлар ўртасида жиноятчилик даражаси пасаймоқда
ASTANA. Kazinform – 2024 йилда Қозоғистонда болалар ва ўсмирлар ўртасида 12 мингдан ортиқ профилактика тадбирлари ўтказилди. Бу ҳақда ҚР Ҳукумати матбуот хизмати хабар берди.
Вояга етмаганлар ишлари бўйича полиция ходимлари таълим муассасалари билан фаол мулоқот қилиб, бола ҳуқуқлари бўйича дарслар ўтказмоқда, ҳуқуқбузарликка мойил ўқувчиларни аниқламоқда. Йил давомида 94 мингдан ортиқ шундай учрашувлар ташкил этилгани мактабларда хавфсиз муҳитни шакллантиришга хизмат қилмоқда.
Муҳим вазифалардан бири Интернетдаги ноқонуний контентга қарши курашиш эди. Йил бошидан буён зўравонлик ва ўз жонига қасд қилишни тарғиб қилувчи 127 та сайт, жумладан, 35 мингдан ортиқ ноқонуний манбалар аниқланган. Бундай таҳдидларга қарши фаол ҳаракат қилиш ёшларга салбий таъсир кўрсатишнинг олдини олиш, уларнинг ноқонуний фаолиятга аралашиш хавфини камайтириш имконини беради.
“Бу чора-тадбирлар ўз самарасини бермоқда: вояга етмаганлар ўртасидаги жиноят 6 фоизга камайди. Энг катта пасайиш қотиллик (- 29 фоиз), ўғирлик (- 19 фоиз) ва талончилик (- 15 фоиз)да кузатилмоқда. Ота-оналар, педагоглар ва полициянинг биргаликдаги профилактика ишларига жалб этилиши болаларнинг хавфсиз келажагини яратишга ёрдам беради”, – дейилади хабарда.
