Қозоғистонда туман, қор бўрони ва яхвонлик кутилмоқда

“Қазгидромет” 24 ноябрь куни Қозоғистон ҳудуди бўйлаб синоптик вазият ва хавфли об-ҳаво ҳодисалари прогнозини эълон қилди, деб хабар беради Kazinform.

“Жанубий Каспий циклони ва у билан боғлиқ бўлган атмосфера жабҳалари Қозоғистон Республикаси ҳудуди бўйлаб ҳаракатланишда давом этади ва мамлакатнинг кўп қисмида ўз таъсирини сақлаб қолади, бу эса ёғингарчилик (ёмғир, қор), жануби-ғарбий, шимоли-ғарбий қисмида кучли ёғингарчиликни келтириб чиқаради”, – дейилади хабарда.

Қозоғистонда туман, яхвонлик, шамол кучайиши кутилмоқда, шимолий, шимоли-ғарбий ва марказий ҳудудларда қор бўрони бўлиши мумкин.

Ғарбда, Ақмола шимолида, Туркистоннинг тоғ довонларида, кечаси жанубда, Шимолий Қозоғистоннинг ғарбий қисмида, кундузи Жамбил вилоятларининг жануби-ғарбий қисмида шамолнинг тезлиги 30 м/с ва ундан ортиқ бўлиши кутилмоқда.