Қозоғистонда тугалланган қурилиш ишлари ҳажми 11,4 фоизга ошди

ASTANA. Kazinform – Жорий йилнинг саккиз ойи якунларига кўра, амалга оширилган қурилиш ишлари ҳажми деярли 11,5 фоизга ошди. Бу борада Қизилўрда вилояти, Ғарбий Қозоғистон вилояти, Абай ва Жетису вилоятлари етакчилик қилмоқда. Бу ҳақда Қозоғистон Республикаси Миллий иқтисодиёт вазири ўринбосари Азамат Амрин маълум қилди, деб хабар беради Kazinform мухбири.

Миллий иқтисодиёт вазири ўринбосари Азамат Амрин таъкидлаганидек, ишлаб чиқариш тармоқлари шароитида машинасозликда маҳсулот ишлаб чиқаришнинг ўсиши 28,1 фоизга, жумладан, автомобилсозликда – 42,2 фоизга ва электротехника ускуналари ишлаб чиқаришда – 34,3 фоизга таъминланди.

«Бундан ташқари, қуйидаги тармоқларда ўсиш кузатилди: озиқ-овқат маҳсулотлари ишлаб чиқариш – 4 фоиз, кимё саноати – 3,1 фоиз, металл маҳсулотлари – 6,4 фоиз, ичимликлар – 5,4 фоиз, пластмасса буюмлар ишлаб чиқариш – 7,5 фоиз ва енгил саноат – 19,8%. Тоғ-кон саноатида ишлаб чиқариш ҳажми 4,3 фоизга ошди», – деди Азамат Амрин Ҳукумат йиғилишида.

Шу билан бирга, нефть қазиб олиш 6,6 фоизга, газ қазиб олиш 3,2 фоизга, бошқа фойдали қазилмаларни қазиб олиш 13,6 фоизга, тоғ-кон саноатида хизматлар кўрсатиш 1,8 фоизга ўсди.

Металл рудаси қазиб олиш 1,2 фоизга, кўмир қазиб олиш 5,5 фоизга камайди.

«Бажарилган қурилиш ишлари ҳажми 11,4 фоизга ошди. Ижобий динамика 18 та вилоятда қайд этилган бўлиб, қурилиш-монтаж ишларининг энг катта ўсиши Жетису ва Абай, Ғарбий Қозоғистон ва Қизилўрда вилоятларида қайд этилган», – дея қўшимча қилди у.

Аввалроқ Вазир жорий йилнинг январь-август ойлари якунларига кўра Қозоғистон иқтисодиётининг ўсиш суръати 4,9 фоизни ташкил этганини маълум қилган эди.

Муаллиф: Арайлим Мурат