Қозоғистонда транзит темир йўл ташиш 25 млн тоннагача ошди
2023 йилда темир йўл орқали транзит юк ташиш ҳажми қарийб 25 миллион тоннагача ўсди, дея хабар беради Kazinform агентлиги ҚР Транспорт вазирлигига таяниб.
2023 йилнинг 11 ойи якуни бўйича транзит юк ташиш ҳажми 19 фоизга ўсиб, 24,8 миллион тоннани ташкил этди.
Контейнер транзитининг ижобий динамикаси давом этиб, 1 миллион 180 мингтани ташкил этди.
Транзит оқимларини тақсимлаш масалаларида Қозоғистоннинг ўрнини сақлаб қолиш учун инфратузилмани яхшилаш бўйича ишлар олиб борилмоқда.
Жумладан, “Достық – Мойынты” участкасида иккинчи йўл қурилиши давом этмоқда, бу эса участканинг ўтказиш қобилиятини 5 баробар ошириш имконини беради.
Шунингдек, жорий йилда 3 та янги йирик лойиҳани амалга ошириш бошланди. Булар:
− “Дарбаза-Мақтаарал” лойиҳаси бўлиб, бу Марказий Осиё мамлакатлари йўналишидаги назорат-ўтказиш пунктларининг ўтказиш қобилиятини йилига 10 миллион тоннага ошириш имконини яратади.
− "Алмати айланма темир йўл станцияси" лойиҳаси, бу лойиҳа товарларни етказиб бериш вақтини 24 соатга қисқартириш имконини беради;
− Хитой йўналиши бўйича Қозоғистон инфратузилмасининг ўтказиш қобилиятини йилига яна 20 миллион тоннага оширадиган янги “Бақти-Аяғоз” темир йўл назорат пункти.
Бундан ташқари, 2023 йилда 133 та янги локомотив (парк 6 фоизга янгиланган, эскириш 58 дан 52 фоизга камайган) ва 275 та ярим вагонлари харид қилинган.
Йўловчиларга қулайлик яратиш мақсадида 856 та енгил вагонлар харид қилинмоқда, шундан 100 таси жорий йилда етказиб берилди ва мавжуд йўналишлар бўйлаб ҳаракатлана бошлади. Натижада, паркнинг эскириши 47 фоиздан 45 фоизга камайтирилди.
