Қозоғистонда телефон фирибгарлигига қарши қандай ишлар олиб борилмоқда - вазирнинг жавоби

ASTANА. Кazinform – Ҳукумат йиғилишида мамлакатда телефон фирибгарлигига қарши кураш бўйича кўрилаётган чора-тадбирлар муҳокама қилинди.

— Интернетдаги фирибгарликка қарши курашда барча манфаатдор давлат ва ҳуқуқ-тартибот идоралари иштирок этди. Вазирлик томонидан бир қатор чора-тадбирлар амалга оширилди. Ахборотга киришни назорат қилувчи хизмат ишга туширилди. Давлат ахборот тизимининг 70 фоиздан ортиғи ушбу хизматга уланган. У шахсий маълумотларга кириш учун розиликларни йиғади ва билдиришнома беради. Сitizensec.kz ва nomadguard.kz интернет-ресурслари киберхавфсизлик компаниялари билан ҳамкорликда ишга туширилди. Булар фуқароларнинг хабардорлигини оширишга қаратилган, – деди ҚР Рақамли ривожланиш, инновациялар ва аэрокосмик саноат вазири Жаслан Мадиев.

Шунингдек, маърузачи телекоммуникация операторлари фаолияти ҳам мувофиқлаштирилаётганини таъкидлади.

— Сохта қўнғироқларни аниқлаш ва блокировка қилиш мақсадида фирибгарликка қарши марказлар ташкил этилган. Улар Миллий банкнинг фирибгарликка қарши курашиш марказлари билан бирлаштирилган, - деди у.