Қозоғистонда тарбиячиларнинг маоши ҳам, уларга қўйиладиган талаблар ҳам оширилади

NUR-SULTAN. Kazinform – Қозоғистонда тарбиячиларга қўйилаётган талаблар билан бирга уларнинг маошини ошириш муаммоси ҳам ортиб бормоқда. Қозоғистон Республикаси Таълим-маориф вазири Асхат Аймағамбетов Президент Мурожаатномасида таълим соҳасидаги вазифалар ҳақида ўз фикрини билдирди, деб хабар беради Kazinform.

«Таълим Давлат раҳбарининг доимо асосий эътиборида. Сиз буни ўзингиз кўрдингиз. Кўплаб ташаббуслар тилга олинди, бизга қатор вазифалар юклатилди. Биз ушбу вазифалар доирасида ишлаймиз. 1-2 кундан кейин қандай чоралар кўрилиши ҳақида расмий маълумот берамиз»

, - деди вазир.

Боғча тарбиячиларининг ойлик маошини ошириш замон талабидан келиб чиқаётган муаммо эканини ҳам айтиб ўтди.

«Давлат раҳбари доимо ўқитувчиларнинг мақоми, маоши ҳақида гапирди. Умуман, келаси йилнинг январ ойидан бошлаб ўқитувчиларнинг ойлик маоши 25 фоизга оширилиши вазифаси қўйилди. Бугун Президент унга тарбиячиларнинг маошини ошириш, уларнинг иш юкини камайтириш зарурлигини айтди. Ўқитувчиларни аттестациядан ўтказиш ва аккредитациядан ўтказиш ишларини бошладик. Мактабгача таълим ташкилотларига ҳам шундай ишларни олиб бориш вазифаси юклатилган. Бу ҳақиқатан ҳам халқаро амалиётда бор»

, - деди Асхат Аймағамбетов.

Вазир Давлат раҳбарининг тарбиячиларни аттестациядан ўтказиш, ўқитувчиларни аккредитация ва аттестациядан ўтказиш, «Қулай мактаб» лойиҳаси бўйича топшириқлари асосида мунтазам ишлар олиб борилишини маълум қилди.