Қозоғистонда сўнгги уч йилда поездда 14 нафар чақалоқ дунёга келган
ASTANA. Kazinform — Бу ҳақда «Йўловчи ташиш» АЖ бошқаруви раиси Ануар Ахметжанов Астанадаги «Нұрлы жол» вокзалида йўловчи поездларининг рақамли экотизими тақдимотида маълум қилди.
Унинг айтишича, поездларда турли воқеалар содир бўлади. Улар орасида йўл давомида чақалоқларнинг дунёга келиши каби ҳолатлар ҳам бор.
“Миллий ташувчининг поездларида турли воқеалар юз беради. Улар орасида қувончли ҳолатлар ҳам бор. Жумладан, сўнгги уч йил ичида поездларимизда 14 нафар кичик қазақстанлик дунёга келди. Бизнинг поезд кузатувчиларимиз бундай ҳолатларга махсус тайёргарликдан ўтган”, — деди Ануар Ахметжанов.
Бошқарув раиси поездларга сунъий йўлдош интернетини ўрнатиш тиббий ёрдам зарур бўлган ҳолатларда ҳам фойдали эканини таъкидлади.
Унинг сўзларига кўра, йўлда кутилмаган вазият юзага келса, поезд ходимлари тиббиёт муассасалари ва бошқа тегишли хизматлар билан тезкор боғланиш имконига эга бўлади. Бу, айниқса, аҳоли пунктларидан узоқ ҳудудларда муҳим аҳамиятга эга.
Аввалроқ миллий ташувчининг 51 та йўналиш бўйича қатнайдиган 108 та поезд таркибидаги 1500 дан ортиқ вагон Starlink сунъий йўлдош интернети билан жиҳозлангани хабар қилинган эди.
