Қозоғистонда спорт турлари учун бюджетдан қанча маблағ ажратилади

ASTANА. Кazinform – ҚР Туризм ва спорт вазири ўринбосари Серик Жарасбаев мамлакатда спортни ривожлантириш учун қанча маблағ сарфланишини маълум қилди.

“Спорт соҳасига, жумладан, вилоят, маҳаллий ва республика бюджетларидан 290 миллиард тенгега яқин маблағ йўналтирилади”, — деди вазир ўринбосари Мажилиснинг Ижтимоий-маданий ривожланиш қўмитаси йиғилишидан сўнг.

Унинг сўзларига кўра, жорий йилда молиялаштириш ҳажми аввал белгиланган даражада қолади. Аммо давлат томонидан молиялаштириладиган спорт турлари қисқаради.

“Пулни исроф қилмаслик учун биз уни жамлаб, устувор спорт турларига сарфламоқчимиз. Бу Олимпия спорт турлари билан шуғулланувчилар сонини кўпайтиради, Олимпия спорт турлари бўйича рақобатни кучайтиради. Бугун биз Олимпия спорт турларини тарк этаётган одамларни кўрмоқдамиз. Умуман олганда, ажратилган маблағларнинг умумий миқдори сақланиб қолмоқда. У Олимпия спорт турларига ажратилган", - деди Серик Жарасбаев.

​