Қозоғистонда сил касаллигидан ўлим даражаси камаймоқда - Соғлиқни сақлаш вазири

ASTANA. Kazinform - ҚР Соғлиқни сақлаш вазири Ақмарал Алназарованинг сўзларига кўра, Қозоғистонда сил ва бошқа юқумли касалликлардан ўлим даражаси камаймоқда, дея хабар беради Kazinform мухбири.

Вазир Қозоғистонда фуқаролар саломатлигининг асосий кўрсаткичларида ижобий тенденция кузатилаётганини таъкидлади. 2023 йил якунига кўра, умумий ўлим ҳар минг кишига 6,5, чақалоқлар ўлими 7,69 промилле, оналар ўлими 11,4 ни ташкил этди.

- Қон айланиш тизими касалликлари, хавфли ўсмалар, сил ва бошқа юқумли касалликлардан ўлим даражасини пасайтириш тенденцияси барқарор. Қозоғистонликларнинг умр кўриш давомийлиги 2022 йилда 74,4 ёшни ташкил этди”, - деди Ақмарал Алназарова Астанада бўлиб ўтган ШҲТга аъзо давлатлар соғлиқни сақлаш вазирларининг еттинчи йиғилишида сўзлаган нутқида.

Унинг қўшимча қилишича, Қозоғистонда бирламчи тиббий-санитария ёрдамини кучайтиришга алоҳида эътибор қаратилмоқда. Қишлоқ аҳолиси учун соғлиқни сақлаш ташкилотлари фаол масофавий хизматлар кўрсатмоқда, Қозоғистонда кўчма тиббий мажмуалар ва поездлар ҳам фаол ишламоқда.

Ақмарал Алназарованинг сўзларига кўра, яқин икки йилда Қозоғистонда 655 та бирламчи тиббий-санитария ёрдами муассасалари, жумладан, амбулаториялар, врачлик ва фельдшерлик пунктлари қурилади.