Қозоғистонда рўйхатга олиш қоидалари тасдиқланди
ASTANA. Kazinform - Миллий статистика бюроси раҳбарининг 2024 йил 16 сентябрдаги буйруғи билан умумдавлат статистик кузатишлар ва миллий рўйхатга олишларни ўтказишда шахсларни интервьюер сифатида жалб қилиш ва уларнинг ишини ташкил этиш қоидалари тасдиқланди, деб хабар беради Кazinform агентлиги мухбири.
Қоидалар бирламчи статистик маълумотларни олиш мақсадида Миллий статистика бюросининг ҳудудий бўлинмалари томонидан шахсларни интервьюер сифатида жалб қилиш ва уларнинг ишини ташкил этиш ҳамда умумдавлат статистик кузатувлар ва миллий рўйхатга олишларни ўтказиш тартиб-таомилларини белгилайди.
Кузатишлар ҳудудий бирликлар томонидан амалга ошириладиган кўнгилли сифатида танланган респондентлар ва уй хўжаликларининг ихтиёрий иштироки тамойилларига асосланади.
Респондентлар ва уй хўжаликларидан бирламчи статистик маълумотларни тўплаш махсус тайёрланган интервеюерлар томонидан сўроқ қилиш ёки статистик шаклларни мустақил равишда тўлдириш йўли билан амалга оширилади.
Кузатишларда бирламчи статистик маълумотларни йиғишни автоматлаштириш учун компьютерлаштирилган индивидуал сўров тизими қўлланилиши кўзда тутилмоқда, миллий аҳоли рўйхатини ўтказиш ҳоллари бундан мустасно.
Сўров давомида интервьюер томонидан олинган маълумотлар бирламчи статистик маълумотлар бўлиб, уларнинг махфийлиги Қозоғистон Республикаси қонунчилигига мувофиқ таъминланади.
Шартнома тузишда интервьюер бирламчи статистик маълумотларнинг, шунингдек респондентга ёки уй хўжалигига ташрифи давомида олинган сўров ўтказилаётган шахслар тўғрисидаги бошқа маълумотларнинг махфийлигини кафолатлайди.
Интервьюерлар томонидан тўлдирилган статистик шакллар кузатувни ташкил этувчи раҳбарларга топширилади.
Буйруқ 2024 йил 7 октабрдан кучга киради.
