Қозоғистонда Россия иштирокида 3 та иссиқлик электр маркази қурилади
Қозоғистонда Россия томони иштирокида 3 та иссиқлик электр марказии қурилади. Бу ҳақда ҚР Бош вазири ўринбосари Серик Жуманғарин Қостанайда бўлиб ўтаётган Қозоғистон ва Россия XIX ҳудудлараро ҳамкорлик форумида маълум қилди, дея хабар беради Kazinform.
“Жорий йилнинг 31 октябрь куни ҳукуматлараро комиссия йиғилиши бўлиб, унда икки томонлама муносабатларни янада ривожлантириш йўналишлари муҳокама қилинди. Бирқатор масалалар кўриб чиқилди. Масалан, Россиядан ёғоч материалларини етказиб бериш. Йил охирига қадар мамлакатимизга кесилган дарахтларни етказиб бериш учун Қозоғистон-Россия чегарасида қўшимча темир йўл ўтказиш пунктларини очиш бўйича келишув ишлаб чиқилади”, — деди у.
Бундан ташқари, Бош вазир ўринбосари Қозоғистон темир рудаси хомашёсини ҳар ойда ташишни таъминлаш имконияти кўриб чиқилишини айтди.
“Россия томони Қозоғистонда 3 йил давомида электр маркази лойиҳасини амалга оширишда иштирок этади. Тегишли ҳужжатни бугун имзолаймиз. Шунингдек, мамлакатлар ўртасидаги ҳаво алоқаларини кенгайтирамиз. Хусусан, биз QAZAQ AIR авиакомпаниясининг Новосибирск ва Челябинскка рейсларини кўпайтиришга розимиз”, — деди Серик Жуманғарин.
