Қозоғистонда QazVac вакцинасини ишлаб чиққан олимлар уй-жой билан таъминланди

Қозоғистон Мустақиллигининг 30 йиллиги муносабати билан хонадон калитларини топшириш маросимида иштирок этган вилоят ҳокими Бердибек Сапарбаев меҳмонларни табриклаб, олимлар ва қурувчиларнинг салмоқли меҳнатини таъкидлади.

Биологик хавфсизлик илмий-тадқиқот институти бош директори Кунсулу Закарья мамлакат, вилоят раҳбарияти ва қурувчиларга кўрсатган ёрдами учун ўз миннатдорчилигини билдирди.

Фойдаланишга топширилган турар-жой биноларидаги хонадонлар маиший мебеллар билан тўлиқ таъминланган, барча зарур жиҳозлар билан таъминланган.

Институт ва комбинат ходимлари ҳамда уларнинг фарзандлари учун 120 ўринли спорт-соғломлаштириш мажмуаси, ўйин майдончалари барпо этилди.