Қозоғистонда озиқ-овқат ишлаб чиқариш 2,4 баробарга ошди
ASTANA. Kazinform — Буни ҚР Қишлоқ хўжалиги вазирлигининг 2019-2026 йилларга оид маълумотлари тасдиқламоқда.
Вазирликнинг хабар беришича, ушбу даврда энг сезиларли ўсиш ўсимликчилик соҳасида кузатилган. Умумий маҳсулот ҳажми 2,1 баробардан зиёдга, яъни 2,8 триллион тенгедан 5,9 триллион тенгегача ошган. Чорвачилик соҳасида эса бу кўрсаткич 1,7 баробарга — 2,3 триллион тенгедан 3,8 триллион тенгегача ўсган.
Шу билан бирга, қайта ишлаш сектори ҳам ривожланиб бораётганини таъкидлаш лозим. Озиқ-овқат ишлаб чиқариш 2,4 баробарга — 1,7 триллион тенгедан 4 триллион тенгегача, ичимликлар ишлаб чиқариш эса 2,5 баробарга — 398 миллиард тенгедан 1 триллион тенгегача ошган. Қайта ишлаш соҳасини ривожлантириш маҳаллий хомашёнинг қўшилган қийматини ошириш, маҳсулот турларини кенгайтириш ва мамлакат ичида қўшимча ишлаб чиқариш занжирларини яратиш имконини беради.
Шунингдек, Қозоғистоннинг ташқи бозорлардаги мавқеи мустаҳкамланиб бораётганини ҳам таъкидлаш керак.
«Қишлоқ хўжалиги маҳсулотлари экспорти 2,1 баробардан зиёдга — 3,3 миллиард доллардан 7 миллиард долларгача ошди. Экспорт салоҳиятини янада кенгайтириш маҳсулот сифатини ошириш, қайта ишлаш қувватларини ривожлантириш ва янги сотув бозорларига чиқиш билан боғлиқ», — дейилади хабарда.
