Қозоғистонда Озарбайжон Республикаси маданият кунлари бўлиб ўтади
ASTANА. Кazinform — Озарбайжон президенти Илҳом Алиевнинг Қозоғистонга расмий ташрифи чоғида Давлат раҳбари Қасим-Жомарт Тоқаев икки давлат ўртасидаги муносабатларни мустаҳкамлашда маданият соҳасидаги ўзаро ҳамкорлик алоҳида ўрин тутишини таъкидлади. Натижада ўзаро маданият кунларини ўтказиш бўйича келишувга эришилди.
ҚР Маданият ва ахборот вазирлиги матбуот хизмати хабарига кўра, 2024 йилнинг 24-26 сентябрь кунлари Астана шаҳрида Озарбайжон маданият кунлари бўлиб ўтади. 24 сентябрь куни “Фузулий-530” китобининг тақдимоти ва этно-жаз концерти бўлиб ўтади.
25 сентябрь куни Қозоғистон ва Озарбайжон миллий кутубхоналари ўртасида меморандум имзоланиши, Эльмира Охундова китобининг тақдимоти, “Озарбайжон санъати дурдоналари” кўргазмасининг очилиши, рақс ансамблининг концерти бўлиб ўтади.
26 сентябрь куни Озарбайжоннинг замонавий санъати ва Томирис иконографияси бўйича маърузалар бўлиб ўтади.
Асосий тадбир 26 сентябрь куни Қ.Қуанишбаев номидаги Миллий мусиқали драма театрида бўлиб ўтади. Гала-концертда Озарбайжон халқ артистлари чиқиш қилади.
Эслатиб ўтамиз, 2023 йил декабрь ойида Боку шаҳрида Қозоғистон Республикасининг Озарбайжон Республикасидаги маданият кунлари бўлиб ўтган эди.
