Қозоғистонда мурдани пичоқсиз компьютер сканерлаш орқали текшириш усули жорий этилади

Келгуси йилдан Қозоғистонда жасадларни текшириш учун виртуал аутопсия жорий этилиши мумкин. Яъни, ўлган одамнинг танасини кесмасдан компьютер сканерлаш орқали текширилади. Бу ҳақда ҚР Адлия вазирлиги суд экспертизаси маркази бошлиғи ўринбосари Назгул Иманбаева маълум қилди, деб хабар беради Kazinform.

“Виртуал аутопсия – марҳумнинг жасадини махсус қурилма ёрдамида, 3D дастури ёрдамида сканерлаш. Яъни, бу усулдан фойдаланганда мурдани кесиб, ички аъзоларини олиб ташлаш шарт эмас. Зўравонлик, қасддан ўлдириш белгилари бўлган марҳумга нисбатан қўлланилмайди. Бу ўз ўлимидан ёки бирон бир касалликдан вафот этганлар учун керак. Виртуал аутопсиядан фойдаланадиган хорижий мамлакатлар ҳам кам учрайди. Бу усул Буюк Британияда қўлланилади”, – деди Назгул Иманбаева.

Унинг сўзларига кўра, ҳозирда Адлия вазирлиги мурдани ана шундай усулда экспертизадан ўтказиш имкониятини кўриб чиқмоқда ва бу масалани ишлаб чиқмоқда.

"Бу биз учун ажойиб бўларди. Суд экспертизаси ишида муаммолар юзага келади. Хусусан, диний қарашлари туфайли кўпчилик мурданининг ички аъзоларини текширишга эътироз билдиради. Бундай ҳолда, улар шикоят қилиш, унинг ўлимига нима сабаб бўлганлигини исботлаш ва марҳумнинг жасадини олиб кетиш ҳуқуқига эга. Агар марҳумда зўравонлик белгилари бўлса, у ҳолда қариндошларининг рухсатисиз унга нисбатан суд-тиббий экспертиза ўтказилади. Виртуал аутопсияни жорий қилиш бу муаммони ҳал қилишга ёрдам беради”, – дейди Назгул Иманбаева.

Марказ раҳбари ўринбосари таъкидлаганидек, виртуал аутопсия машинаси қиммат. Ҳозирда уни сотиб олиш учун маблағ манбалари қидирилмоқда.

“Агар ҳамма нарса биз ўйлагандек бўлса ва бу усулни амалга ошириш учун зарур воситалар топилса, келгуси йилдан бошлаб у билан ишлашга ҳаракат қиламиз деган умид бор”, – деди у.

Назгул Иманбаеванинг сўзларига кўра, виртуал аутопсия аппаратларини жойлаштириш учун махсус мажмуа зарур. Шу билан бирга, у билан ишлай оладиган мутахассисларни тайёрлаш керак.