14:30, 21 Февраль 2023 | GMT +6
Қозоғистонда мактабгача таълим муассасаларида 97 мингдан ортиқ педагог фаолият юритмоқда
ASTANA. Kazinform – ҚР Таълим-маориф вазирлигининг Мактабгача таълим департаменти директори Наталья Жумадилдаеванинг маълум қилишича, жорий йилда болалар боғчаларида 21 минг нафар тарбиячи малака ошириш курсларидан ўтади, деб хабар беради Kazinform мухбири.
«Мактабгача таълим муассасаларида 97 минг 408 нафар педагог меҳнат қилмоқда. Уларнинг 41 596 нафари (42,7 фоизи) қишлоқларда, 55 811 нафари (57,3 фоизи) шаҳарларда истиқомат қилади»
, - деди Н. Жумадилдаева.
Унинг таъкидлашича, мактабгача таълим ва тарбия тизимидаги ўзгаришлар доирасида малака ошириш курсларидан ўтаётган педагоглар сони йилдан-йилга ортиб бормоқда.
«2022 йилда 14 мингдан ортиқ ўқитувчи курслардан ўтди, 2023 йилда эса 21 минг нафар мутахассис қамраб олинади. Бундан ташқари, мактабгача тарбиячиларнинг иш ҳақини ошириш ҳам ҳисобга олинмоқда. Бундан ташқари, уларнинг иш юкини камайтириш масаласи ҳам кўриб чиқилмоқда»
, - деди у.
Муаллиф: Руслан Ғаббасов
