Қозоғистонда «Маданият тўғрисида»ги қонунга ижодий саноатга оид ўзгартириш ва қўшимчалар киритилади

ALMATY. Кazinform – Мамлакатда ижодий саноатни ривожлантириш концепцияси қабул қилинган, ҳозирда у режали тарзда амалга оширилмоқда. Бу ҳақда Қозоғистон Республикаси Маданият ва спорт вазири ўринбосари Ержан Еркинбаев маълум қилди, дея хабар беради Кazinform мухбири.

«Концепция билан замонавий санъат, кино, мусиқа, мода, ҳунармандчилик ва рақамли санъатнинг асосий тармоқлари, шунингдек, Астана, Алмати, Чимкент шаҳарлари кўплаб юридик ва хусусий шахслар тўпланган жой сифатида ижодий соҳа аниқланди. Келгусида шаҳарлар рўйхати кўпаяди», — деди вазир ўринбосари.

Ижодий саноатга оид ўзгартириш ва қўшимчалар «Маданият тўғрисида»ги қонун, Тадбиркорлик Кодексига киритилади.

«Бизнинг фикримизча, ижодий саноат вакиллари нафақат давлат томонидан қўллаб-қувватланиши, балки айрим турдаги солиқлардан ҳам озод этилиши керак. Нафақат давлат, балки хусусий фонд ҳам ҳомийлар ва бюджетдан ташқари тўловлар ҳисобидан молиялаштириладиган ижодий лойиҳаларни қўллаб-қувватлаши керак. Бу барча янгиликлар, албатта, қонун лойиҳасида назарда тутилган муаллифлик ҳуқуқи ва турдош ҳуқуқларга оид нормаларни такомиллаштириш билан бирга олиб борилиши керак. Қонун лойиҳасининг концепцияси шу йил охиригача халқ эътиборига ҳавола этилади», — деди спикер.

Шунингдек, у йил якунига қадар соддалаштирилган молиялаштириш сифатида давлат томонидан қўллаб-қувватлаш чора-тадбирлари билан қўллаб-қувватланадиган ижодий саноат орасидан устувор фаолият турлари белгиланишини айтди.

– Бундан ташқари, бугунги кунда Астана, Алмати ва Чимкент шаҳарларида тадбиркорликни қўллаб-қувватлаш бўйича минтақавий дастурлар доирасида маҳаллий қўллаб-қувватлаш дастурлари ишлаб чиқилмоқда, – деди Маданият ва спорт ишлари вазири ўринбосари Ержан Еркинбаев.

Муаллиф: Думан Арғингелди