Қозоғистонда ўқувчиларда сувни тежаш маданиятини шакллантириш дастури ишлаб чиқилади

ASTANА. Кazinform – Мамлакатда мактаб ўқувчиларида сувни тежаш маданиятини шакллантиришга қаратилган махсус таълим дастури қабул қилинмоқда. Бу ҳақда Парламент палаталарининг қўшма мажлисидан сўнг Таълим-маориф вазири Ғани Бейсембаев маълум қилди, дея хабар беради Kazinform мухбири.

«Сувни тежаш дарсларда, қўшимча ва дарсдан ташқари машғулотларда кўрсатилади. Бироқ, ушбу Мурожаатни инобатга олган ҳолда, мактабларда бу борадаги таълим-тарбия ишларини кучайтириш зарур кўринади. Ўқувчиларимизда сувни тежаш маданиятини шакллантириш бўйича алоҳида дастур қабул қилинади», — деди вазир ОАВ вакиллари саволига жавобан.

Бундан ташқари, Ғани Бейсембаев ўқувчиларни молиявий саводхонликка тарбиялаш масаласига ҳам эътибор қаратди.

«Молиявий саводхонлик – бу мавзу мактабларда 2019 йилдан бошлаб жорий этилган. Бироқ, бошқа тажрибаларни ҳисобга олиб, мактабларда бу йўналишдаги ишларни янгича тарзда кучайтирмоқчимиз», — деди вазир.

Муаллиф: Марлан Жиембай