Қозоғистонда қозоқ-француз университети очилади
Қозоғистон Республикаси фан ва олий таълим вазири Саясат Нурбек мамлакатда Қозоғистон-француз университетини очиш режалари ҳақида маълум қилди, дея хабар беради Kazinform мухбири.
“Бугун Қозоғистонда қозоқ-француз университети очиш масаласини кўриб чиқиш бўйича Давлат раҳбарлари даражасида баёнот берилади”, - деди Саясат Нурбек.
Унга кўра, университет Қозоғистон-Германия университетига ўхшаш тарзда ташкил этилади.
– Бу масалани ўрганиш учун алоҳида ишчи гуруҳ тузамиз. Шунингдек, Франциянинг кучли университетларини жалб этган ҳолда минтақавий университетларда илмий-тадқиқот бўлимларини очиш имкониятларини ҳам муҳокама қиламиз. Франция олий ўқув юртлари делегацияси етиб келди, бугун Алматида уч кун давомида бўлиб ўтадиган Қозоғистон-Франция ректорлари форуми бошланади», - дея қўшимча қилди вазир.
Муаллиф: Азамат Сиздиқбаев
