Қозоғистонда коронавируснинг омикрон тури ҳамон мавжуд – вазирлик

ASTANAА. Kazinform – Қозоғистон Республикаси Соғлиқни сақлаш вазирлиги Юқумли касалликларни эпидемиологик назорат қилиш бошқармаси бошлиғи Роза Қожапова мамлакатдаги эпидемиологик вазият ҳақида маълум қилди, дея хабар беради Кazinform мухбири.

Маърузачининг сўзларига кўра, бугунги кунда республикада КВИ+ билан 1 миллион 400 мингдан ортиқ бемор ва 90 мингдан ортиқ КВИ- билан касалланганлар қайд этилган.

«Республика ва барча вилоятлар яшил зонада. Кунига 120 тагача КВИ+ ва 20 тагача КВИ- ҳолатлари қайд этилиб, беморларнинг 99 фоизи тузалиб кетган. Қозоғистонда сўнгги 2 ҳафта ичида олдинги 2 ҳафтага нисбатан касалланиш 1,4 мартага кўпайди, яъни 754 тадан 1075 тага етди», — деди Р. Қожапова Марказий коммуникациялар хизматида бўлиб ўтган матбуот анжуманида.

Шу билан бирга, КВИ билан касалланган беморларга стационар ёрдам кўрсатиш учун 2056 та ўрин-жой очилди, шу жумладан инфекцион ўринлар - 1747, банд - 104 (6%), бўш - 1643 (94%).

Реанимация ўринлари – 309, банд – 8 (3%), бўш – 301 (97%).

«Штаммларни аниқлаш натижаси омикрон версияси республикада айланаётганини кўрсатди», — деди Роза Қожапова.

Муаллиф: Айжан Серикжанқизи