Қозоғистонда консерваланган ва қайта ишланган ёнғоқ ишлаб чиқариш кўпайди
ASTANA. Kazinform – 2023 йил январь-декабрь ойларида Қозоғистонда 9,4 минг тонна қайта ишланган ва консерваланган мева ва ёнғоқлар ишлаб чиқарилди, бу 2022 йилнинг шу даврига нисбатан 26,5 фоизга кўп. Бу ҳақда Kazinform Қозоғистон Миллий статистика бюросига таяниб хабар беради.
– Шу билан бирга, қайта ишланган мева ва ёнғоқлар импорти ҳам 11,9 фоизга ўсди ва 180,6 минг тоннани ташкил этди (2022 йил январь-декабрда – 161,4 минг тонна). Импорт қилинадиган маҳсулотлар улуши ресурсларнинг 95% ни ташкил этади. Ўтган йилнинг 12 ойида ички бозорда сотилган маҳсулот 177 минг тоннани ташкил этди, бу ўтган йилга нисбатан 11,1 фоизга кўпдир», - дейилади Миллий статистика бюроси хабарида.
Миллий статистика бюроси маълумотларига кўра, Қозоғистонга ёнғоқ асосан Вьетнам, Хитой, АҚШ ва Туркиядан олиб келинади.
