Қозоғистонда коллеж талабалари стипендиялари яна 50 фоизга оширилади

ASTANА. Кazinform - 1 сентябрдан коллеж талабаларининг стипендиялари 43 минг тенгега оширилади. Бу ҳақда ҚР Таълим-маориф вазири Ғани Бейсембаев маълум қилди.

“Давлат раҳбари топшириғига кўра, техник ва касб-ҳунар таълими тизимида давлат буюртмасини ошириш бўйича ишлар фаол амалга оширилмоқда. Жорий йилда 145 минг грант ажратилган бўлиб, уларнинг 65 фоизи техник мутахассисликларга йўналтирилган. Шунингдек, 1 сентябрдан бошлаб коллеж талабаларининг стипендиялари ўтган йилги даражадан 50 фоизга оширилади”, — деди Ғани Бейсембаев Ҳукумат йиғилишида.

Вазирнинг сўзларига кўра, жорий йилнинг биринчи ярмида 104 та коллежнинг моддий-техник базаси яхшиланди.