Қозоғистонда қимиз ва қимрон қанча туради
Kazinform агентлиги Қозоғистонда энг оммабоп ва афзал кўриладиган ичимликлар нархларини солиштирди.
Қимиз
Қозоғистонда қимизнинг бир литри ўртача 1000 тенге туради. Алматида эса бу ичимликни катта миқдорда (тахминан 50 литр) сотиб олсангиз, литрини 500 тенгедан сотадилар. Умуман олганда, Алматида қимизнинг ўртача нархи 1000-1200 тенге.
Шу билан бирга, улгуржи нархлар Қизилўрдада ҳам паст. Бу ерда бир литр қимизни 800 тенгедан топиш мумкин. Бир шиша қимиз нархи эса 1000 тенгедан 2000 тенгегача. Кўкшетауда Бошқирдистондан олиб келинган ичимликнинг бир шишаси 800 тенга туради. 1,5 литрли маҳаллий ичимлик 1700-2000 тенгедан сотилади.
Чимкентликлар қимизнинг литрини 1000 тенгега сотиб олади. Туркистон дўконларида шишага қадоқланган қимиз нархи 1100 тенгедан бошланади.
Тараз ва Атирау аҳолиси чанқоқни қондирувчи ва шифобахш ичимликни 1200 тенгега сотиб олади (ёзда нархи 1000-1100 тенге).
Астанада қимизнинг бир литри ўртача 1200-1500 тенгени ташкил этади.
Қостанай дўконларида қимиз 1300-1400 тенгега сотилади. Ақтўбеликлар эса уни ўртача 1419 тенгега (0,5 литр учун 600-800 тенге) сотиб олади.
Талдиқўрған, Қонаев, Орал ва Петропавлда қимиз нархи 1500 тенгедан бошланади.
Павлодарда бир литри 1500-1700 тенге, ёз ойларида эса 1000-1200 тенгега тушади.
Ўскемен ва Семейда литри 1700-2400 тенгедан сотилади.
Мамлакатнинг ғарбий ва марказий қисмидаги айрим шаҳарларда қимиз нархи юқори. Масалан, Ақтауда 1800 тенге, Қарағандида 1800-2000, Жезқазғанда 2000-2400 тенге туради.
Қимрон
Қимроннинг нархи қимиздан кам эмас. Бироқ баъзи шаҳарларда нархлар юқори.
Туркистон, Ақтау, Алмати шаҳарларида қимроннинг литри 1000 тенгедан бошланади. Талдиқўрған ва Қизилўрдада эса 100 тенге қимматроқ.
Тараз, Чимкент, Атирауда бир литр қимроннинг нархи 1200 тенге. Ёз ойларида эса нарх бироз пасайиб, 1000-1100 тенгени ташкил этади.
Пойтахтда қимроннинг нархи 1300 тенге.
Қостанай, Павлодар, Ақтўбе, Оралда қимроннинг нархи 1500 тенгедан бошланади. Ушбу турдаги ичимликлар кўпинча дўконларда сотилади.
Петропавлда қимроннинг литри 1600 тенгедан сотилади. Шу билан бирга, Қонаевдаги нарх 1600-1700 тенге. Қарағандиликлар қимроннинг литрини 1600-2000 тенгега сотиб олади.
Нархлар Ўскемен, Семей ва Жезқазғанда юқорироқ. Бу ерда қимроннинг бир литри 2000-2600 тенге туради.
Энг қиммати Кўкшетауда бўлиб чиқди. Бу ерда қимроннинг бир литри 5000 тенге туради. 250 грамми эса 1288 тенге туради.
Эслатиб ўтамиз, аввалроқ чой, қаҳва ва хурмо нархлари ҳақида ёзган эдик.
