Қозоғистонда қандай вируслар айланмоқда - вазирнинг жавоби

ASTANА. Кazinform – Қозоғистон Республикаси Соғлиқни сақлаш вазири Ажар Ғиният мамлакатда тарқалаётган инфекциялар ва вируслар ҳақида маълум қилди, деб хабар беради Кazinform мухбири.

«Ҳозир мамлакатимизда Омикрон вируси тарқалмоқда. Омикроннинг бир нечта турлари мавжуд. Вирус доимий равишда ўзгариб туради. У атроф-муҳитда ҳам яшайди ва ҳозирда «цербер» деб номланган тур топилди», - деди Ажар Ғиният Мажилис кулуарида журналистларга берган жавобида.

Шунингдек, вазир аниқланган грипп штаммлари ҳақида маълумот берди.

«Гриппнинг уч хил тури мавжуд, жумладан, биз рўйхатга олган чўчқа гриппи (H1N1). Бундан ташқари, аденовируслар рўйхатга олинмоқда, ҳозирда вирусларнинг барча турлари аниқланган ва биз инфекция ва суперинфеция аралашмасини кўрамиз – вируслар устма-уст ва касаллик жуда оғир кечади. Октябр ойида гриппга қарши эмланганман. Шунингдек, мен коронавирус инфекциясига қарши ревакцинация олдим. Мен ҳудудларга бораман, кўп одамлар билан учрашаман ва самолётда ўзимни ҳимоя қилишга ҳаракат қиламан, ҳамма жойда ниқоб тақаман», — дея қўшимча қилди Соғлиқни сақлаш вазири.

Ундан олдин А. Ғиният мамлакатдаги эпидемик вазият чекловчи чораларни талаб қилмаслигини айтди.

Муаллиф: Айжан Серикжанқизи