Қозоғистонда қанча чет элликлар ишлайди

ASTANA. Kazinform – ҚР Меҳнат ва аҳолини ижтимоий ҳимоя қилиш вазирлиги Қозоғистонда 13 743 нафар чет эл фуқароси қонуний меҳнат қилаётганини маълум қилди, дея хабар беради Kazinform мухбири.

Хорижий ишчи кучини (кейинги ўринларда – хорижий ишчи кучи) жалб қилиш учун рухсатномалар қуйидаги тоифаларни ўз ичига олади:

раҳбарлар ва уларнинг ўринбосарлари учун 564 та рухсатнома (биринчи тоифа),

таркибий бўлинма раҳбарлари учун 2 585 та рухсатнома (иккинчи тоифа).

Ишга жалб этилган ишчиларнинг асосий қисми учинчи (мутахассислар) ва тўртинчи (малакали ишчилар) тоифаларига тегишли - мос равишда 4 913 ва 999 киши.

Шунингдек, мавсумий ишларга 1 186 нафар, корпоратив трансферга 3 496 нафар фуқаро жалб этилган.

Ҳозирда Қозоғистонда ижтимоий таъминот тизимидан фойдаланаётган 1 744 иш берувчи бор. Уларорасидан388 мингдан ортиғини, яъни умумий ходимларсонининг 96,5 фоизиниҚозоғистон фуқаролари ташкил этади.

Иқтисодий фаолиятда энг кўп меҳнат қилаётганлар қурилишда – 5 390 киши, қайта ишлаш саноатида - 1455 киши, тоғ-кон ва карьерларни қазишда -1 335 киши, маъмурий ва ёрдамчи хизматларда – 1 305 киши, ўрмон ва балиқ хўжалигида – 1 237 киши.

Меҳнат муҳожирларининг асосий мамлакатлари: Хитой – 4 881 киши, Ўзбекистон – 1273 киши, Туркия – 1203 киши, Ҳиндистон – 1095 киши.