Қозоғистонда ишчилар маоши ошади
ASTANА. Кazinform - Давлат раҳбари 2025 йилни “Ишчи касблари йили” деб эълон қилишни ва уларнинг мақомини оширишни таклиф қилди. Шу муносабат билан Меҳнат ва аҳолини ижтимоий ҳимоя қилиш вазирлиги ишчиларнинг маоши қай тарзда ошишини изоҳлади.
“Давлат раҳбари Қозоғистон халқига навбатдаги Мурожаатида 2025 йилни “Ишчи касблари йили” деб эълон қилишни ва уларнинг мақомини оширишни таклиф қилди ва биринчи навбатда сув, энергетика, қурилиш ва бошқа соҳаларда ўткир кадрлар тақчиллигини бартараф этиш зарурлигини таъкидлади. Бироқ, меҳнат қонунчилигига мувофиқ, давлат бюджети маблағлари ҳисобидан ушлаб туриладиган ташкилотлар ходимларининг иш ҳақини Меҳнат вазирлиги тартибга солади”, — дейилади соҳа вазирлигининг расмий жавобида.
Президент топшириғига кўра, 2022 йилдан бошлаб бюджет соҳаси ходимларининг айрим тоифалари, шу жумладан ишчи касблари ходимларининг иш ҳақи йилига ўртача 20 фоизга босқичма-босқич оширилади. Натижада 2025 йилга келиб уларнинг маоши икки бараварга ошади.
“Ўз навбатида, хусусий ташкилотларда ходимларнинг иш ҳақи меҳнат ва жамоа шартномалари билан белгиланади ва у ходимнинг билим даражаси, бажараётган ишининг мураккаблиги ва сифатига қараб белгиланади”, — дейилади вазирлик хабарида.
