Қозоғистонда илк бор стенддан ўқ отиш бўйича Осиё кубоги ўтказилади

ASTANA. Kazinform – Алмати вилоятидаги Александр Асанов номидаги ўқ отиш клубида стенддан ўқ отиш бўйича Осиё кубоги бўлиб ўтади, деб ёзади Olympic.kz.

Турнир 20-30 сентябрь кунларига белгиланган. Қитъа миқёсидаги мусобақада Осиёнинг 40 давлатидан 500 нафардан ортиқ спортчи иштирок этади.

Мусобақани ўтказишдан асосий мақсад ўқ отиш спорт турларининг оммавийлигини ошириш, спортчиларнинг спорт маҳоратини ошириш, спортчилар рейтингини аниқлаш, мураббий ва ҳакамларнинг касбий малакасини оширишдан иборат.