Қозоғистонда иқтисодиёт ва давлат бошқаруви тизимидаги таркибий ислоҳотларнинг янги пакети ишлаб чиқилади

NUR-SULTAN. Кazinform - Иқтисодиёт ва давлат бошқарувида янги таркибий ислоҳотлар пакети ишлаб чиқилади. Бу ҳақда Қозоғистон Миллий иқтисодиёт вазири Алибек Қуантиров бугун Ҳукумат йиғилишида маълум қилди, дея хабар беради Kazinform мухбири.

Унга кўра, Давлат раҳбарининг Мурожаатномасини амалга ошириш бўйича Миллий ҳаракатлар режаси «Инқирозга қарши курашишнинг устувор чора-тадбирлари тўғрисида»ги йўналишида 5 та чора-тадбирлар амалга оширилади.

«Ижтимоий-иқтисодий вазият учун хавфларни тенглаштириш мақсадида Инқирозга қарши чора-тадбирлар режаси лойиҳаси ишлаб чиқилди. У қуйидагиларга қаратилган:

- молия тизими барқарорлигини таъминлаш,

- инфляцияни назорат қилиш ва пасайтириш,

- транспорт-логистика занжиридаги тафовутни камайтириш,

- ташқи савдони қўллаб-қувватлаш ва рағбатлантириш,

- иқтисодиёт тармоқларини қўллаб-қувватлаш ва инвестицияларни жалб этиш, - деди Алибек Куантиров.

Вазирнинг сўзларига кўра, экиш кампаниясининг сифатли ўтиши таъминланади. Хусусан, фермер хўжаликлари зарур имтиёзли миқдорда ёқилғи-ёнилғи билан таъминланади, қишлоқ хўжалиги техникалари, уруғлик ва ўғитларнинг тайёрлиги текширилади.

«Бундан ташқари, сиёсий модернизация стратегиясини инобатга олган ҳолда иқтисодиёт ва давлат бошқарувида таркибий ислоҳотларнинг янги пакетини тайёрлаш режалаштирилган», — деди у.

Муаллиф: Марлан Жиембай