Қозоғистонда ички савдо субъектларини давлат томонидан қўллаб-қувватлашнинг янги механизми ишга туширилади
ASTANA. Kazinform - Қозоғистонда Олий аудитор палатасининг тавсияси ижроси доирасида ички савдо субъектларини давлат томонидан қўллаб-қувватлашнинг янги чора-тадбирлари ишлаб чиқилди ва тасдиқланди, деб хабар беради Каzinform.
Жорий йилда Савдо ва интеграция вазирлиги ва унинг тасарруфидаги ташкилотлар фаолияти устидан давлат аудити ўтказилди, деб хабар беради Олий аудиторлар палатаси матбуот хизмати. Унинг доирасида республикада савдо инфратузилмасини янада ривожлантиришга тўсқинлик қилаётган сабаблардан бири тадбиркорлик субъектларининг ушбу йўналишга сармоя киритиш имкониятларининг чекланганлиги аниқланди. Шу муносабат билан Савдо ва интеграция вазирлигига тадбиркорлик субъектларининг молиявий салоҳиятини оширишнинг аниқ механизмларини белгилаш топширилди.
Натижада вазирнинг 21 июндаги буйруғи билан замонавий савдо инфратузилмасини яратиш чора-тадбирларини рағбатлантиришга қаратилган ички савдо соҳасида тадбиркорлик субъектларини давлат томонидан қўллаб-қувватлаш чора-тадбирларини кўрсатиш қоидалари тасдиқланди.
Биринчи босқичда бу соҳага давлат томонидан 4 миллиард тенге ажратилди.
“Даму” жамғармаси орқали молиялаштириш октябрь ойида бошланиши режалаштирилган.
Шунингдек, давлат ёрдами олувчилар учун мамлакатда ишлаб чиқарилган озиқ-овқат ва ноозиқ-овқат маҳсулотларини чакана савдо нуқталарига жойлаштириш бўйича ўзаро мажбуриятлар белгиланган. Бу Қозоғистон товар ишлаб чиқарувчиларининг маҳсулот сотиш каналларига кириш имкониятларини янада кенгайтиради.
