Қозоғистонда ҳокимликларга фанни молиялаштириш ҳуқуқи берилади

ASTANA. Kazinform - Ҳокимликларга фанни молиялаштириш ҳуқуқи берилади. Бундай янгилик “Қозоғистон Республикасининг айрим қонун ҳужжатларига фан масалалари бўйича ўзгартириш ва қўшимчалар киритиш тўғрисида”ги қонун лойиҳасида назарда тутилган.

“Ҳокимликларга фанни молиялаштириш ҳуқуқини бериш тавсия этилади. Қонун лойиҳаси доирасида маҳаллий ижро ҳокимияти органларининг фан ва илмий-техникавий фаолият соҳасидаги ваколатларини кенгайтириш билан боғлиқ муҳим янгилик таклиф этилди. Бундай қарор илм-фан ривожида ҳудудий ўзига хослик ва эҳтиёжларни ҳисобга олиш, ҳудудларда илмий салоҳиятдан самаралироқ фойдаланишга хизмат қилиш имконини беради”, — деди қонун лойиҳаси бўйича маъруза қилган Мажилиснинг Ижтимоий-маданий ривожланиш қўмитаси раиси Асхат Аймағамбетов.

Унга кўра, шу муносабат билан ҳокимликлар ҳудудлардаги муаммоларни ҳал этишда илмий изланишлардан фойдаланиш имкониятига эга бўлади.

“Қонун лойиҳасига “Илмий этика” тушунчаси киритилган. Ушбу меъёр илмий изланишлар сифати ва масъулиятини ошириш, академик ҳалолликни сақлашга қаратилган”, – деди Мажлис депутати.